OLX.uz servislarining Foydalanuvchi kelishuvi

  1. UMUMIY QOIDALAR
  2. E‘LONLARNI JOYLASHTIRISH
  3. FOYDALANUVChILARNING ShAXSIY MA‘LUMOTLARIGA IShLOV BERISh ShARTLARI VA BUNGA ROZILIK
  4. FOYDALANUVChI TOMONIDAN TAQDIM ETILADIGAN MA‘LUMOTLAR
  5. E‘LONLAR O‘ChIRILIShINING SABABLARI
  6. TARAFLARNING HUQUQ VA MAJBURIYaTLARI
  7. XIZMATLARGA HAQ TO‘LASH
  8. KOMPANIYA JAVOBGARLIGINI CHEKLASH
  9. KELISHUVNING AMAL QILISH MUDDATI VA SAYT XIZMATLARI KO‘RSATILISHINING TUGASHI
  10. KELISHUVGA O‘ZGARTIRISHLAR KIRITISH
  11. BOSHQA SHARTLAR

Ilovalar

  1. 1-Ilova - MAXFIYLIK SIYOSATI

1. UMUMIY QOIDALARBoshiga qaytish

  • “TIRS DILLING” MChJ, (matnda keyingi o‘rinlarda Bajaruvchi va/yoki Kompaniya) Bajaruvchining internet-saytlari - http://olx.uz da xizmat ko‘rsatish to‘g‘risidagi mazkur ommaviy kelishuvni (matnda keyingi o‘rinlarda Kelishuv va/yoki Oferta) e‘lon qiladi.
  • O‘zbekiston Respublikasi Fuqarolik kodeksining 367-375 moddalariga muvofiq mazkur Kelishuv ommaviy oferta hisoblanadi hamda quyida keltirilgan shartlar (aktsept) qabul qilingan taqdirda muomalaga layoqatli har qanday jismoniy yoki yuridik shaxs (matnda keyingi o‘rinlarda Foydalanuvchi) mazkur Kelishuv shartlarini bajarish majburiyatini zimmasiga oladi.
  • Mazkur ofertada, agar matnda boshqa hol belgilanmasa, quyida keltirilgan atamalar quyidagi ma‘nolarni anglatadi:
    • Oferta – har qanday jismoniy va/yoki yuridik shaxsga qaratilgan, mazkur Kelishuv, shuningdek, uning ilovalarida keltirilgan shartlarda Bajaruvchi bilan xizmat ko‘rsatish to‘g‘risidagi shartnomani tuzish haqidagi Bajaruvchining ommaviy taklifi;
    • Aktsept – Foydalanuvchi tomonidan Kelishuv shartlarining to‘liq qabul qilinishi;
    • Bajaruvchi - “TIRS DILING” MAS‘ULIYaTI ChEKLANGAN JAMIYaT, yuridik manzili: Toshkent sh., Yakkasaroy tumani, A.Qodirov ko‘chasi, 43-uy;
    • Saythttp://olx.uzKompaniya tomonidan ma‘murlik amalga oshiriladigan, vaqtinchalik tasniflangan e‘lonlarni joylashtirish uchun kommunikatsiya platformasi sifatida xizmat qiluvchi internet-sayt;
    • Foydalanuvchi – mazkur Kelishuv shartlarini qabul qilgan va Kompaniya xizmatlaridan foydalanuvchi har qanday muomalaga layoqatli jismoniy yoki yuridik shaxs;
    • Mahsulot – har qanday moddiy yoki nomoddiy ob‘ekt;
    • Xizmat – muayyan harakatni sodir etish jarayonida iste‘mol qilinadigan yoki buyurtmachining shaxsiy ehtiyojlarini qondirish uchun muayyan faoliyatni amalga oshirida ko‘rsatiladigan servis bilan bog‘liq ,tovar yetkazib berish bo‘lmagan har qanday operatsiyadir;
    • OLX.uz xizmatlari – Bajaruvchi tomonidan Sayt yordamida ko‘rsatiladigan har qanday pulli va bepul xizmatlar (masalan, shu jumladan, ammo mutlaq emas, uning barcha imkoniyatlari, matni, ma‘lumotlari, axborot, dasturiy ta‘minoti, grafiklar yoki fotosuratlari, rasmlar va h.k. va b.), shuningdek Kompaniya tomonidan Saytlar servislari yordamida ko‘rsatiladigan har qanday boshqa xizmatlar
    • Qaydni hisobga olish/akkauntSaytlarda Foydalanuvchiga o‘z e‘lonlarini boshqarish imkoniyatini beruvchi , saytlar funktsional tizimidagi elektron kabinet
    • Ro‘yxatdan o‘tish – Foydalanuvchi tomonidan mazkur Kelishuvni tuzishga ofertani qabul qilish va Saytning tegishli shakllarni to‘ldirish yo‘li bilan Sayt servislardan foydalanish uchun zarur axborotni taqdim etish jarayonidir. Ro‘yxatga olishning barcha bosqichlari e‘lon qilingan yo‘riqnomalarga muvofiq muvaffaqiyatli o‘tilganidan keyin u tugallangan hisoblanadi .
    • Shaxsiy ma‘lumotlar – bu shaxsning kimligi aniqlangan yoki aniqlanishi mumkin bo‘lgan u haqdagi ma‘lumotlar yoki ma‘lumotlar to‘plami.
    • SMS-verifikatsiya - bu Foydalanuvchini tekshirish bo‘lib, Foydalanuvchi tomonidan verifikatsiya sahifasida ko‘rsatilgan raqamga Kompaniya tomonidan yuborilgan SMS-xabardagi maxsus verifikatsiya kodini verifikatsiya sahifasidagi tegishli maydonga kiritish orqali amalga oshiriladi.
  • Agar Foydalanuvchi mazkur shartlardan to‘liq yoki qisman norozi bo‘lsa, Bajaruvchi undan mazkur saytni tark etishni so‘raydi. Mazkur shartlar Foydalanuvchi tomonidan Saytdan va OLX.uz xizmatlaridan foydalanishni tartibga soladi. OLX.uz xizmatlaridan foydalanish Foydalanuvchi mazkur kelishuv bilan tanishganini, uni tushunishini va uning shartlarini qabul qilishini anglatadi.
  • OLX.uzning qaysidir servisidan foydalanishni boshlaganda yoki ro‘yxatdan o‘tib ,Foydalanuvchi Kelishuv shartlarini to‘liq, hech bir qo‘shimchalarsiz va istisnolarsiz qabul qilgan hisoblanadi. Agar Foydalanuvchi mazkur Kelishuvning qaysidir qoidasidan norozi bo‘lsa Foydalanuvchi OLX.uz servislaridan foydalanishga haqli emas.
  • Ushbu orqali Kompaniya Internet tarmog‘i Foydalanuvchilariga o‘z servislaridan mazkur Kelishuvda keltirilgan shartlar asosida foydalanishni taklif etadi.
  • Kompaniya Foydalanuvchiga sotish yoki boshqa Foydalanuvchilar tomonidan sotib olinishi maqsadida, biroq, faqatgina buning uchun emas, turli tovarlar va xizmatlar haqidagi ma‘lumotlarni joylashtirish uchun olx.uz Saytidan foydalanish bo‘yicha xizmatlarni taklif etadi.
  • Foydalanuvchilar o‘rtasidagi barcha bitimlar to‘g‘ridan-to‘g‘ri tuziladi, ya‘ni Kompaniya Foydalanuvchilarning bitimlari ishtirokisi hisoblanmaydi, balki faqatgina e‘lonlarni joylashtirish uchun kommunikatsion savdo platformasini taqdim etadi.

2. E‘LONLARNI JOYLASHTIRISHBoshiga qaytish

  • Taklif etilayotgan tovarlar va xizmatlarga tavsif berib, maxsus shaklni to‘ldirgandan so‘ng Foydalanuvchi Saytlarda e‘lon joylashtirish huquqiga ega bo‘ladi.
  • Bundan tashqari, qo‘shimcha xizmatlarni olish maqsadida Foydalanuvchi faqat o‘zi foydalanishi mumkin bo‘lgan haqiqiy telefon raqamini, tanlangan parolь, va ro‘yxatdan o‘tish uchun zarur bo‘lgan boshqa ma‘lumotlarni ko‘rsatgan holda shaklni to‘ldirib, Saytda ro‘yxatdan o‘tishi mumkin. Bundan so‘ng Foydalanuvchi SMS-xabar oladi va ro‘yxatdan o‘tishni yakunlash uchun, undagi kodni tegishli qatorda ko‘rsatishi lozim bo‘ladi.
  • Ro‘yxatdan o‘tgan va ro‘yxatdan o‘tmagan Foydalanuvchilar tomonidan Saytning imkoniyatlaridan va servislaridan foydalanish OLX.uz xizmatlaridan foydalanish bo‘yicha qoidalar va yo‘riqnomalarga rioya etish majburiyatini olganlikni anglatadi.
  • Foydalanuvchi Saytga kirish uchun uning telefon raqami va parolidan foydalanish bo‘yicha barcha harakatlar uchun javobgarlikni o‘z zimmasiga oladi. Foydalanuvchi faqat o‘z telefon raqami va paroli yordamida Saytning xizmatlaridan foydalanish huquqiga ega.
  • Foydalanuvchi unga taqdim etilgan parolning maxfiyligini saqlash va uni uchinchi shaxslarga oshkor qilmaslik majburiyatini oladi.
  • Agar Foydalanuvchida Saytga kirish uchun foydalaniladigan telefon raqami va parol oshkor etilganligi yoki uchinchi shaxslar tomonidan foydalanilishi mumkinligiga gumon qilish uchun asos bo‘lsa u darhol Saytga kirish ma‘lumotlarini o‘zgartirishi lozim.
  • Tovarlar yoki xizmatlarni sotish haqida Saytga e‘lon joylashtirayotgan Foydalanuvchi ular haqidagi ma‘lumotlarni mazkur kelishuv va Saytda keltirilgan yo‘riqnomalarga muvofiq holda joylashtirish va tovarlar va xizmatlar va ularni sotish shartlari haqida aniq va to‘liq ma‘lumot berish majburiyatini oladi. Tovar va xizmat haqida ma‘lumotni joylashtirib, Foydalanuvchi o‘zining ular sotilishi amalga oshiriladigan davlatlar qonunchiligiga muvofiq ushbu tovarni sotishi yoki ushbu xizmatni ko‘rsatish xuquqiga ega ekanligini tasdiqaydi. Xususiy shaxs tomonidan joylashtirilgan ko‘chmas mulk ob'yektini sotish / ijaraga qo‘yish to‘g‘risida e'lon joylashtirilganda, Foydalanuvchi Kompaniyaga joylashtirilayotgan ob'yektga egalik huquqini tasdiqlaydigan hujjatlarni, shu jumladan pasport, ko‘chmas mulkka egalik huquqini va u bilan amalga oshirilgan oldi-sotdilarni tasdiqlaydigan davlat reyestridan ko‘chirma (yoki egalik huquqini tasdiqlaydigan boshqa hujjatlar) taqdim etish majburiyatini oladi. Foydalanuvchi mazkur hujjatlarni taqdim etishdan bosh tortgan taqdirda, Kompaniya Foydalanuvchi e'lon joylashtirishini rad etishga haqli.
  • Foydalanuvchi u tomondan taklif etiladigan tovarlar/xizmatlar, ular sotilishi amalga oshiriladigan davlatlar qonunchiligida belgilangan sifat me‘yorlariga javob berishini va uchinchi shaxslar da‘vosidan ozod ekanligini kafolatlaydi.
  • Agar Foydalanuvchi tomonidan taqdim etiladigan xizmatlar maxsus ruxsatnoma yoki litsenziya olishni talab etsa, ushbu xizmatlar foydalanuvchining bunday faoliyati ustidan nazoratni amalga oshirishga vakolatli davlat organlari va qonunchilik talablariga muvofiq amalga oshirilishini kafolatlaydi.
  • Foydalanuvchi u tomondan Saytda joylashtirilgan tovarlar va xizmatlar haqidagi barcha ma‘lumotlarni batafsil tekshirishi va noto‘g‘ri ma‘lumot aniqlagan taqdirda tovar yoki xizmatning tavsifiga zarur ma‘lumotlarni kiritishi lozim. Agar buning iloji bo‘lmasa, e‘lonni bekor qilib, tovar yoki xizmat haqidagi ma‘lumotni qayta joylashtirish orqali noto‘g‘ri ma‘lumotni tuzatishi lozim.
  • Tovar yetkazib berish shartlari tovar tavsifida, xizmat ko‘rsatish shartlari xizmat ko‘rsatish tavsifida berilishi lozim. Foydalanuvchi tomonidan tovarni sotish va xizmatlar ko‘rsatish shartlari mazkur Kelishuvga va amaldagi qonunchilikka zid bo‘lmasligi lozim.
  • Foydalanuvchi Bajaruvchining raqobatchilariga faol yordam ko‘rsatmaslik va ular tomonidan ko‘rsatiladigan xizmatlar haqidagi ma‘lumotlarni tarqatmaslik majburiyatini oladi. Quyida keltirilganlar kabi, ammo mutloq emas:
    • Boshqa e‘lonlar taxtalari, savdo maydonchalari, internet-auktsionlari va/yoki internet-do‘konlar haqidagi ma‘lumotlar;
    • Saytda sotilishi taqiqlangan tovarlar va xizmatlarni taklif etuvchi internet-resurslar haqida.
  • Kompaniya uning nazorati ostida bo‘lgan yoki nazorati ostida bo‘lmagan texnik sabablarga ko‘ra Foydalanuvchining tovar yoki xizmat haqidagi e‘lonni ko‘chirish, tugatish yoki uni ko‘rsatish muddatini uzaytirish huquqiga ega. Agar Foydalanuvchi tovar yoki xizmatni mazkur Kelishuv yoki amaldagi qonunchilik shartlarini buzgan holda ro‘yxatdan o‘tkazgan bo‘lsa Sayt e‘lon ko‘rsatilishini to‘xtatish huquqiga ega.
  • Foydalanuvchiga quyidagilar taqiqlanadi:
    • Aynan bir telefon raqamidan bir xil e‘lonlarni joylashtirish;
    • Mazmunidan aynan bir xil taklif haqida gap borayotgan, mazmun jihatdan bir xil e‘lonlarni joylashtirish;
    • Xar xil telefon raqamlaridan bir xil e‘lonlarni joylashtirish;
    • E‘lonlarni uning mazmuniga nomuvofiq ruknlarda joylashtirish;
    • Sarlavhasida takrorlanuvchi punktuatsiya belgilari va/yoki harfli bo‘lmagan belgilar mavjud bo‘lgan e‘lonlarni joylashtirish;
    • Tavsifi va/yoki sarlavhasi/fotosuratlari o‘zaro bog‘liq bo‘lmagan e‘lonlarni joylashtirish;
    • Bir pa ytning o‘zida bir necha tovarlar va xizmatlar taklif qilinayotgan e‘lonlarni joylashtirish;
    • E‘lonlarda zararli elementlar mavjud bo‘lgan sahifalarga yoki saytning bosh sahifasiga havolalar berish;
    • Huquqni qo‘llovchi qonunchilikning buzilishiga olib kelishi mumkin bo‘lgan tovarlar va xizmatlar bo‘yicha e‘lonlarni joylashtirish.
    • E‘lonlar Saytning tegishli funktsional sozlamalarida tanlangan geografik viloyat va shaharga muvofiq kelishi lozim.
    • Aniq bir predmet, mulk ob‘ekti, ish o‘rni, xizmat bo‘yicha bitta e‘lonni joylashtirish mumkin.
    • E‘lonlar Kompaniya vakillari tomonidan tanlov asosida post yoki premoderatsiyadan o‘tkazilishi mumkin.
    • Quyidagilarning savdosini reklama qiluvchi e‘lonlarni joylashtirish ta‘qiqlanadi:
      • spirtli ichimliklarni;
      • tamaki mahsulotlarini;
      • giyohvandlik vositalarini;
      • pornografik materiallar yoki predmetlarni;
      • farmakologik mahsulotlarni, dori vositalarini, giyohvandlik vositalarini va prekursorlarni;
      • o‘g‘irlangan, noqonuniy yo‘llar bilan olingan tovarlarni;
      • hayot va sog‘liq uchun xavf tug‘diruvchi predmetlarni;
      • mavjud bo‘lmagan tovarlarni;
      • odam va hayvon organlarini;
      • mahfiy ma‘lumot olish uchun maxsus vositalarini;
      • davlat mukofotlarini; shaxsiy hujjatlarni, shuningdek, ushbu hujjatlar blanklarini;
      • ma‘lumotlar bazalarini;
      • o‘qotar, sovuq, jarohat yetkazuvchi qurollarni, shuningdek, harbiy qurollar va ular butlovchilarini;
      • huquqni muhofaza qiluvchi organlar tomonidan qo‘llaniladigan faol himoya vositalarini; morj qoziqtishlarini, buyum shaklila bo‘lmagan fil va mamont tishini, shuningdek, buyum shaklida bo‘lmagan qimmatbaho metallar va qimmatbaho toshlarni;
      • noyob va sotilishi taqiqlangan hayvonlarni, tegishli qonunchilik bilan taqiqlangan har qanday boshqa tovarlar va xizmatlarni.
      Saytda taqiqlangan tovarlar, xizmatlar va takliflarning to‘liq ro‘yxati bilan quyidagi havola orqali tanishish mumkin: https://olx.uz/oz/help/about/spisok-zapreschennyh-tovarov-uslug/. Kompaniya e‘lon egasining yoki vakolatli davlat organlarining talabi bilan e‘lonlarni o‘chirish huquqiga ega. Kompaniya shuningdek, uning fikriga ko‘ra, ijtimoiy axloq tamoyillari va negizlariga muvofiq kelmaydigan deb hisoblagan e‘lonlarni o‘chirish huquqini o‘zida qoldiradi. O‘chirish haqidagi qaror qat‘iy hisoblanadi va qayta ko‘rib chiqilmaydi.
  • Saytning ma‘muriyati va moderatorlari (Kompaniyaning vakillari):
    • Foydalanuvchi e‘lonining matniga, umumiy mazmun-mohiyatiga ta‘sir qilmaydigan, orfografiya va punktuatsiyaga oid bo‘lgan o‘zgartirishlarni kiritish;
    • Joylashtirish uchun ko‘proq mos keladigan rukn aniqlanganida e‘lonlarni ular Saytning boshqa mos ruknlarga ko‘chirib o‘tkazish;
    • E‘lonlar tanlangan bo‘limlarning mavzusiga muvofiq bo‘lmaganda yoki mazkur Kelishuvni buzganida e‘lonlar joylashtirilishini rad etish, shuningdek, Saytdan foydalanishni qulaylashtirish maqsadida sababini ko‘rsatmagan holda bitta Foydalanuvchidan beriladigan e‘lonlar sonini cheklash huquqiga ega.
    • E‘lon taklifining predmetiga noto‘g‘ri tavsif berishga, shuningdek, tovar yoki xizmatni haqiqiy sotish narxiga to‘g‘ri kelmaydigan narxni ko‘rsatish mumkin emas. Narx butun tovar yoki xizmat uchun to‘liq ko‘rsatilishi lozim.
    • Joylashtirilayotgan e‘lonning sarlavhasi e‘lon matniga muvofiq bo‘lishi va o‘zida Foydalanuvchining aloqa yoki shaxsiy ma‘lumotlari (telefon, elektron manzil, internet-resurs manzili)ni aks ettirmasligi lozim.
    • Foydalanuvchi tomonidan sotishga taklif qilinayotgan tovar/xizmatni aks ettiruvchi fotosurat e‘lon sarlavhasiga va matniga muvofiq bo‘lishi lozim. Fotosuratda faqat taklif qilinayotgan ob‘ekt aks etishi lozim. Stok va/yoki internet tarmog‘idan olingan fotosuratlarni joylashtirish mumkin emas.
    • Foydalanuvchilar o‘rtasidagi muloqotni yengillashtirish maqsadida Kompaniya boshqa foydalanuvchilarning aloqa ma‘lumotlarinidan foydalanish imkoniyatini chegaralashi mumkin. Boshqa Foydalanuvchilar tomonidan taqdim etilgan ma‘lumotlardan foydalanish huquqi mazkur Kelishuv bilan cheklanadi.
    • Kompaniya foydalanuvchilar e‘lonlarining mazmuni yoki ularning tavsiflarida keltirilgan resurslarga havolalar uchun javobgarlikni zimmasiga olmaydi.
    • Tovarlar yoki xizmatlar sotiladigan davlatlarning qonunchiligiga muvofiq sotilishi taqiqlanmagan yoki cheklanmagan, shuningdek, mazkur kelishuvga zid kelmaydigan tovarlar yoki xizmatlar e‘lonlarning predmeti bo‘lishi mumkin.

3. FOYDALANUVChILARNING ShAXSIY MA‘LUMOTLARIGA IShLOV BERISh ShARTLARI VA BUNGA ROZILIKBoshiga qaytish

  • E‘lonlarni joylashtirishda Sayt foydalanuvchilari Kompaniyaga amaldagi qonunchilikka muvofiq ularning shaxsiy ma‘lumotlarini qayta ishlash huquqini taqdim etishadi.
  • O‘z shaxsiy ma‘lumotlarini taqdim etib, Foydalanuvchi Kompaniyaga mazkur hujjatda keltirilgan shartlarda o‘z shaxsiy ma‘lumotlarini qayta ishlashga rozilik beradi. Shaxsiy ma‘lumotlarni qayta ishlashga rozilik sayt veb-sahifasining boshqaruvchi elementlari yordamida “Men xizmatdan foydalanish qoidalariga, shuningdek, mening ma‘lumotlarim OLX.uzga topshirilishi va ularning qayta ishlanishiga roziman. Men muomalaga layoqatli ekanligimni va e‘lon joylashtirish uchun javobgarligimni tasdiqlayman” matni ostida belgi qo‘yish orqali Foydalanuvchining saytdagi e‘lonni joylashirilishini tasdiqlash paytida amalga oshiriladi va foydalanuvchining kompaniya bilan huquqiy munosabatlarining bekor bo‘lguniga qadar amal qiladi.
  • Xususan, Foydalanuvchi o‘zining shaxsiy ma‘lumotlarini qayta ishlashga, shu jumladan shaxsiy ma‘lumotlarni to‘plash, ro‘yxatga olish, jamlash, saqlash, moslashtirish, o‘zgartirish, tiklash, foydalanish va tarqatish (tarqatish, sotish, uzatish), shaxssizlantirish, yo‘q qilish kabi har qanday harakatlar yoki harakatlar yig‘indisiga, shu jumladan,axborot (avtomatlashtirilgan) tizimlaridan foydalangan xolda, qayta ishlashga o‘z roziligini beradi.
  • OLX.uz servisi foydalanuvchisi Kompaniya uning shaxsiy ma‘lumotlari bilan amalga oshirishi mumkin bo‘lgan boshqa harakatlarga ham yozma (qog‘ozda), elektron va boshqa shaklda o‘z roziligini beradi, ammo quyidagi shaxsiy ma‘lumotlar bilan cheklanmaydi:
    • foydalanuvchining ismi;
    • yashash mintaqasi, elektron pochtasi manzili, aloqa telefoni, boshqa aloqa ma‘lumoti va foydalanuvchining o‘z xohishi bilan beradigan axboroti;
    • ip-manzillar, foydalanuvchilarning boshqa kommunikatsion ma‘lumotlari;
    • foydalanuvchilarga boshqa foydalanuvchilar tomonidan beriladigan xabarlar, xatlar, arizalar va aksincha;
  • Foydaluvchilarning shaxsiy ma‘lumotlari Kompaniya tomonidan quyidagi maqsadlarda qayta ishlanadi:
    • foydalanuvchilarning reklama e‘lonlarini Saytda joylashtirish va ular bilan qiziqqan foydalanuvchilarning aloqaga chiqishi mexanizmini ta‘minlash;
    • foydalanuvchilarni vijdonsiz foydalanuvchilarning noqonuniy harakatlaridan, shu jumladan, firibgarlikdan himoya qilish;
    • yangi xizmatlar, yangiliklarni tatbiq etishda qayta ishlash va foydalanish uchun Sayt faoliyati bo‘yicha statistik ma‘lumotlarni to‘plash;
    • zamon talablariga mos va sifatli qo‘llab-quvvatlash, ular bilan aloqada bo‘lish;
    • foydalanuvchining mazkur Kelishuv talablariga muvofiqligini tekshirish;
    • Sayt foydalanuvchilarga xizmatlarni ko‘rsatish shartlari, shuningdek servislardagi va tashkilotdagi o‘zgarishlar haqida axborot berish, shuningdek, O‘zbekistonning amaldagi qonunchiligiga zid bo‘lmagan boshqa maqsadlarda.
  • Mazkur hujjatga muvofiq Kompaniya tomonidan qayta ishlanadigan Foydalanuvchilarning shaxsiy ma‘lumotlari Saytning butun faoliyat muddati davomida yoki foydalanuvchi Kompaniya bilan munosabatlarni bekor qilishni istagan paytgacha saqlanadi.
  • Foydalanuvchilar – shaxsiy ma‘lumotlar sub‘ektlari quyidagi huquqlarga ega:
    • OLX.uz foydalanuvchilarining shaxsiy ma‘lumotlarini saqlanadigan shaxsiy ma‘lumotlar bazasining joylashgan joyi, uning maqsadlari va nomlanishini, shaxsiy ma‘lumotlar egalari va tasarruf etuvchilarning joylashgan joyini bilish yoki qonunda belgilangan hollardan tashqari xollarda Saytning vakolatli foydalanuvchilariga ushbu ma‘lumotlarni olish haqida tegishli topshiriq berish;
    • shaxsiy ma‘lumotlarni taqdim etish shartlari haqida, shu jumladan Sayt foydalanuvchilarining shaxsiy ma‘lumotlari taqdim etiladigan uchinchi shaxslar haqida ma‘lumot olish;
    • o‘z shaxsiy ma‘lumotlarini olish;
    • qonunda belgilangan hollardan tashqari so‘rov kelib tushgan kundan boshlab 30 kalendar kun ichida OLX.uz foydalanuvchilarining shaxsiy ma‘lumotlari shaxsiy ma‘lumotlar bazasida saqlanishi, shuningdek, saqlanadigan shaxsiy ma‘lumotlarning mazmuni haqida javob olish;
    • shaxsiy ma‘lumotlar egalari tomonidan shaxsiy ma‘lumotlarni qayta ishlashga qarshi asoslangan talab bildirish;
    • agar shaxsiy ma‘lumotlar noqonuniy qayta ishlanayotgan yoki ishonchsiz bo‘lsa shaxsiy ma‘lumotlar egalari va/yoki tasarruf etuvchilari tomonidan shaxsiy ma‘lumotlarni o‘zgartirish yoki yo‘qotish haqida asoslangan talab bildirish;
    • qasddan yashirilishi, taqdim etilmasligi yoki o‘z vaqtida taqdim etilmasligi sababli shaxsiy ma‘lumotlarning noqonuniy qayta ishlanishi va tasodifan yo‘qotilishi, nobud qilinishi, shikastlanishidan himoyalanish, shuningdek, noto‘g‘ri yoki sha‘n, qadr-qimmat va xizmat mavqeiga dog‘ tushiruvchi ma‘lumotlarning taqdim etilishidan himoyalanish;
    • shaxsiy ma‘lumotlarning qayta ishlanishi ustidan vakolatiga shaxsiy ma‘lumotlarning muhofazalanishini ta‘minlash kiruvchi davlat hokimiyati organlari va mansabdor shaxslarga yoki sudga shikoyat bilan murojaat qilish;
    • shaxsiy ma‘lumotlarni himoya qilish to‘g‘risidagi qonunchilik buzilgan hollarda huquqiy himoya choralarini qo‘llash;
    • shaxsiy ma‘lumotlarni qayta ishlashga rozilikni qaytarib olish;
    • shaxsiy ma‘lumotlarni qayta ishlashning avtomatik mexanizmini bilish;
    • Sayt foydalanuvchilari uchun huquqiy oqibatlarni keltirib chiqaruvchi avtomatik qarorlardan himoyalanish.
  • Shaxsi ko‘rsatilmagan shaxsiy ma‘lumotlardan tashqari shaxsiy ma‘lumotlar ulardan foydalanish tartibiga ko‘ra ega bo‘lish cheklangan ma‘lumot hisoblanadi.
  • Kompaniya Foydalanuvchilarning shaxsiy va boshqa ma‘lumotlarini faqat foydalanuvchilarning reklama e‘lonlarini joylashtirish va boshqa foydalanuvchilar ushbu e‘lonlardan foydalanish bilan bog‘liq maqsadlarda oshkor qiladi. Kelishuvni qabul qila turib, mazkur Kelishuvda belgilangan shartlar va cheklovlarni inobatga olgan holda, foydalanuvchi u tomonidan kiritilgan ma‘lumotlarning Saytning barcha foydalanuvchilariga oshkor etilishiga rozilik beradi.
  • Amaldagi qonunchilik talablariga muvofiq Kompaniya Foydalanuvchi ma‘lumotlarining bir qismini uchinchi shaxslarning qonuniy huquqlari va vakolatlari bilan bog‘liq maqsadlarida, shu jumladan, bunday ma‘lumotlarni taqdim etishning belgilangan tartibiga rioya qilgan holda ularni uchinchi shaxslarga, davlat organlari va muassasalariga oshkor qilishi mumkin.
  • Shaxsiy ma‘lumotlardan tarixiy, statistik yoki ilmiy maqsadlarda foydalanish faqatgina shaxsi ko‘rsatilmagan holda amalga oshiriladi. Foydalanuvchining shaxsiy ma‘lumotlaridan shaxsini ko‘rsatmagan holda foydalanish uning qo‘shimcha roziligini talab qilmaydi.
  • Xavfsizlik tizimlari texnologiyalari, ma‘lumotlarga ega bo‘lishning cheklangan tartibini tatbiq etish va ro‘yxatdan o‘tgan xodimlarning ma‘lumotlarga ega bo‘lishini nazorat qilish orqali Kompaniya foydalanuvchilarnng ma‘lumotlarini yo‘qolishi, oshkor bo‘lishi va uchinchi shaxslar tomonidan ruxsatsiz kirishidan ximoyalaydi.

4. FOYDALANUVChI TOMONIDAN TAQDIM ETILADIGAN MA‘LUMOTLARBoshiga qaytish

  • Kompaniya Foydalanuvchi bilan bog‘lanish, ro‘yxatdan o‘tishda ko‘rsatilgan elektron manzillar va yashash manzilga xabarlarnomalar jo‘natish, shuningdek, Foydalanuvchining mobil telefoniga xabarlar jo‘natish xuquqini o‘zida qoldiradi.
  • Ma‘lumotlarni to‘plash Saytning dasturiy vositalaridan foydalangan holda foydalanuvchi tomonidan shaxsan saytda e‘lonlarni joylashtirishi uchun talab etiladigan tegishli ma‘lumotlarni ko‘rsatish orqali amalga oshiriladi.
  • Tizimda mavjud bo‘lgan texnik mazmundagi ma‘lumotlar, masalan, ip-manzillar internet-xabarlarning umumiy qoidalariga muvofiq Kompaniya tomonidan tarmoqli qurilmaga xizmat ko‘rsatish, shuningdek, umumiy statistik, demografik ma‘lumotlar (masalan, foydalanuvchi bilan ulanish amalga oshirilgan mintaqa haqida) agregatsiyasi bilan bog‘liq maqsadlarda foydalaniladi.
  • Foydalanuvchilarning shaxsiy ehtiyojlari va manfaatlari muvofiq keluvchi, taqdim etiladigan servislarning yuqori sifatini ta‘minlash maqsadida Kompaniya foydalanuvchining tizimiga oxirgi kirishi haqidagi ma‘lumotlarni saqlaydi.
  • Foydalanuvchi zluksiz foydalanishning vaqtinchalik oraliqlari – sessiyalar davomida Sayt servislaridan foydalanadi. Ro‘yxatdan o‘tgan Foydalanuvchi sessiya davomida kamida bir marta faqat login va parol kiritilganidan keyin kirish mumkin bo‘lgan Sayt qismiga kirishni amalga oshiradi.
  • Brauzer sozlamalarida tizimga oxirgi kirish xaqidagi ma‘lumot saqlanishini o‘chirish umuman olganda Sayt servislaridan foydalanish imkoniyatlariga ta‘sir qilmaydi, ammo ularning imkoniyatlari Foydalanuvchi uchun chegaralanishi mumkin.
  • Tizimga oxirgi kirish haqidagi axborot shuningdek, Foydalanuvchilar tomonidan xizmatlardan foydalanish haqidagi statistik ma‘lumotlarni to‘plash uchun foydalaniladi.
  • Kompaniya irqiy yoki etnik mansublik, siyosiy yoki diniy dunyoqarashlar, siyosiy partiyalar va kasaba uyushmalarida a‘zolik, shuningdek, Foydalanuvchilarning sog‘lig‘i yoki jinsiy hayoti bilan bog‘liq ma‘lumotlarni to‘plamaydi va Foydalanuvchilar tomonidan saytda bunday ma‘lumotlarning oshkor etilishi